සඳෙහි මෙතෙක් ගවේෂණය නොකළ අඳුරු ප්‍රදේශයෙන් පස් සාම්පල කිලෝග්‍රෑම් 2ක් රැගෙන ඒම සඳහා චීනය සඳ වෙත රොකට්ටුවක් සාර්ථකව දියත් කළ බව විදෙස් මාධ්‍ය වාර්තා කළේය. චීන වේලාවෙන් ඊයේ පස්වරු 5.27ට වෙන්චෑං නුවර අභ්‍යවකාශ මධ්‍යස්ථානයේ සිට දියත් කරනු ලැබු චැංග් ඊ- 6 නමැති මේ රොකට්ටුව සඳ මත දින 53ක මෙහෙයුමක් සිදු කිරීමට නියමිත බවත්, සඳෙහි අඳුරු කලාපයෙන් පස් සාම්පල ගැනීමේ මෙහෙයුමක් සිදු වන්නේ ලොව පළමුවරට බවත් විදෙස් මාධ්‍ය වැඩිදුරටත් වාර්තා කළේය.
ලොව පුරා විවිධ රටවලින් මෙතෙක් සිදු කර ඇති චන්ද්‍ර ගවේෂණ තුළින් සඳෙහි එක් කලාපයක තොරතුරු දැන ගැනීමට අවස්ථාව ලැබුණ ද, එහි අනෙක් පස අඳුරු කලාපය ගවේෂණය කිරීමෙන් වැදගත් තොරතුරු සහ වෙනස්කම් රැසක් පිළිබඳ අවබෝධ කරගැනීමට මේ චන්ද්‍ර මෙහෙයුම ඉවහල් වනු ඇතැයි ද වාර්තා වේ.
චීන අභ්‍යවකාශ මධ්‍යස්ථානයේ විද්‍යාඥයන් සඳහන් කරන්නේ සිය චන්ද්‍ර මෙහෙයුම සාර්ථකව දියත් කළ චීනයේ ජනප්‍රවාදයට අනුව වඩාත් ජනප්‍රිය දෙවඟන වන චන්ද්‍ර දෙවඟන ලෙස බවය. එම මෙහෙයුම එසේ නම් කර ඇතැයි ද විදෙස් මාධ්‍ය සඳහන් කළේය.
DMN