මේ මස මුල් භාගයේදී අමෙරිකාව සහ එහි බුද්ධි සේවා වාර්තා උපුටා දක්වමින් එම අනතුරු ඇඟවීම සිදු කර ඇතැයි විදෙස් මාධ්‍ය වැඩිදුරටත් වාර්තා කළේය.
චීනයේ මහජන විමුක්ති හමුදාව විසින් කැනඩාව, ප්‍රංශය, බ්‍රිතාන්‍යය, ඔස්ට්‍රේලියාව සහ අමෙරිකාව වැනි රටවල හිටපු ප්‍රහාරක ගුවන්යානා නියමුවන් බඳවා ගන්නා බවත්, ඔවුන් බඳවා ගනු ලබන්නේ දකුණු අප්‍රිකාව සහ චීනය කේන්ද්‍ර කරගත් පෞද්ගලික ආයතන මඟින් බවත් විදෙස් මාධ්‍ය සඳහන් කළේය. එම නිලධාරීන් චීන විමුක්ති ගුවන් හමුදාවේ සහ නාවික හමුදාවේ ආධුනික නියමුවන් පුහුණු කිරීමට යොදා ගන්නා බවත් අමෙරිකානු බුද්ධි සේවා වාර්තා මඟින් අනාවරණය වී ඇතැයි විදෙස් මාධ්‍ය වාර්තා කළේය. බටහිර රටවල හිටපු ප්‍රහාරක ගුවන්යානා නියමුවන් ඉහළ වැටුප් තලයකට බඳවා ගනු ලබන්නේ බටහිර යුද උපායමාර්ග අත්කර ගැනීමට බව ද අමෙරිකානු බුද්ධි සේවා වාර්තා කර ඇතැයි විදෙස් මාධ්‍ය වැඩිදුරටත් සඳහන් කළේය.
DMN