ඉරානයේදී ගුවන් ප්‍රහාරයකින් මිය ගිය හමාස් සංවිධානයේ දේශපාලන නායක ඉස්මායිල් හනියා වෙනුවෙන් එරට අධ්‍යාත්මික නායක අයතුල්ලි අලි කමේනිගේ ප්‍රධානත්වයෙන් පැවැත්වූ අවමංගල උත්සවයට දහස් සංඛ්‍යාත ජනතාව සහභාගි වී ඇතැයි විදෙස් මාධ්‍ය වාර්තා කළේය. ටෙහෙරාන් නුවර ඊයේ පස්වරුව වන විටත් පැවැත්වෙමින් තිබූ එම අවමංගල උත්සවයෙන් පසු හමාස් නායකයාගේ මළ සිරුර භූමදානය කිරීම සඳහා කටාර් රාජ්‍යයට රැගෙන යෑමට නියමිත බව ද විදෙස් මාධ්‍ය වැඩිදුරටත් වාර්තා කළේය.
සිය භූමිය තුළදී හමාස් නායකයා ඝාතනයට ලක්වීම සම්බන්ධව ඊශ්‍රායලය වගකිව යුතු බවත්. ප්‍රහාර එල්ල කිරීමට ඉරාන අධ්‍යාත්මික නායකයා සිය හමුදාවට නියෝග කර ඇති බවත් ඉරාන නිලධාරින් උපුටා දක්වමින් අමෙරිකානු මාධ්‍ය වාර්තා කර තිබේ.
හමාස් නායකයාගේ ඝාතනයත් සමඟ මැද පෙරදිග යුධ ගැටුම් ව්‍යාප්ත වීමේ අවධානයක් මතු වී ඇතැයි ද, ඉදිරි දින කිහිපය තීරණාත්මක වනු ඇතැයි ද ඉරාන අධ්‍යාත්මික නායකයා ඊශ්‍රායල ජනතාවට අනතුරු ඇඟවූ බව වැඩිදුරටත් වාර්තා වේ.
DMN