හමාස් සංවිධානයෙන් පසුගිය වසරේ ඔක්තෝබර් 7 වැනිදා ඊශ්‍රායල ප්‍රහාරයත් සමඟ ආරම්භ වූ දෙපාර්ශ්වය අතර යුද ගැටුමට වසරක් පිරෙද්දී ඊශ්‍රායල ආරක්ෂක හමුදාව උතුරු ගාසා තීරය ආක්‍රමණය කරමින් දරුණු ප්‍රහාරයක් එල්ල කළ බව විදෙස් මාධ්‍ය වාර්තා කළේය. ප්‍රහාරයට පෙර එහි ජනතාවට වහා ඉවත්වන ලෙස නියෝග කර ඇතැයි ද, අනතුරුව ඊශ්‍රායල යුද ටැංකි සිය ගණනක් සමඟ අතිවිශාල සෙබළුන් පිරිසක් උතුරු ගාසා තීරයට ඇතුළු වූ බව විදෙස් මාධ්‍ය වැඩිදුරටත් වාර්තා කළේය. ඊශ්‍රායල හමුදාව උතුරු ගාසා තීරය ආක්‍රමණය කර ඇත්තේ හෙස්බුල්ලා සංවිධානයට එරෙහිව දකුණු ලෙබනනයට දරුණු ප්‍රහාර එල්ල කරමින් සිටියදී බවත් වාර්තා වේ.
වසර 1948 අරාබි – ඊශ්‍රායල යුද්ධයෙන් පසු පළමු වරට ඊශ්‍රායලය ආක්‍රමණය කළ පසුගිය වසරේ ඔක්තෝබර් 7 වැනිදා හමාස් සංවිධානයෙන් රොකට් ප්‍රහාර 4,300ක් පමණ එල්ල කර තිබූ අතර, විදෙස් ජාතිකයන් ඇතුළු 1,139 දෙනකු ඝාතනයට ලක්වී තිබිණි. ඊට අමතරව ඊශ්‍රායල සිවිල් වැසියන් සහ හමුදා සෙබළුන් 250 දෙනකු පමණ ප්‍රාණ ඇපයට ගත් හමාස් සාමාජිකයන් නැවත ගාසා තීරයට පලා ගොස් තිබිණි.
DN