එම මාර්ගය අයත් කයිබර් පක්ටුන්ක්වා ප්‍රාන්තයට පතිත වූ අධික වර්ෂාව සහ අකුණු සැර තත්ත්වය යටතේ මේ නාය යෑම සිදු වී ඇති අතර, ඒ වන විට දේශසීමාව ආසන්නයේ වාහන විශාල සංඛ්‍යාවක් ගමන් කරමින් තිබූ බව වැඩිදුරටත් වාර්තා වේ.
පාකිස්තාන හමුදාව සහ හදිසි ආපදා කළමනාකරණ කණ්ඩායම් වැළලුණු ට්‍රක් රථ තුළ සිටි පුද්ගලයන් බේරා ගැනීමේ මෙහෙයුමක් ක්‍රියාත්මක කර තිබේ. ඊයේ පස්වරුව වන විට මළ සිරුරු 3ක් හමු වී ඇති අතර, සෙසු පුද්ගලයන් නිරුපද්‍රිතව බේරා ගැනීමට පාකිස්තාන හමුදාව දැඩි උත්සාහයක නිරතව සිටින බව වාර්තා වේ. විපතට පත් ප්‍රදේශයට විවිධ ඩම්පර්, ඩෝසර් සහ වෙනත් උපකරණ සහ යන්ත්‍රෝපකරණ යුධ හමුදා ඉංජිනේරුවන් සපයා ඇති අතර, මීට අමතරව, සෙවුම් කැමරා, ගලවා ගැනීමේ රේඩාර් වැනි උපකරණ භාවිතා කරමින් ගලවා ගැනීමේ මෙහෙයුම් කඩිනම් කර තිබේ.