පුද්ගලයකුට බේස් බෝල් පිත්තකින් පහර දී තුවාල සිදු කිරීමේ වරදට චූදිතයකුට සිරදඬුවමක් ලබා දීමට සැරසුණු ඇමරිකා එක්සත් ජනපදයේ විනිසුරුවරියකට චූදිත පුද්ගලයා විසින් විනිසුරු මුලසුනට පැන පහර දී ඇති බව ඇමරිකානු මාධ්‍ය පවසයි.

හමාස් සංවිධානයේ නියෝජ්‍ය නායක සලේ අල් අරවුරි හා එම සංවිධානයේ අණදෙන නිලධාරින් දෙදෙනකු පෙරේදා(02) ලෙබනනයේ බීරුට් අගනුවර සිදු වූ ඩ්‍රෝන යානා ප්‍රහාරයකින් මිය ගොස් තිබේ.

ඉන්දීය ප්‍රකෝටිපතියකු වන ගෞතම් අදානිට එරෙහිව පවතින දූෂණ හා වංචා චෝදනා සම්බන්ධයෙන් විමර්ශනය කිරීම සඳහා අලුතින් පරීක්ෂණ කමිටුවක් පත් කරන ලෙසට විවිධ පාර්ශ්වයන්ගෙන් ඉදිරිපත් වූ ඉල්ලීම් ඉන්දීය ශ්‍රේෂ්ඨාධිකරණය විසින් ප්‍රතික්ෂේප කර තිබේ.

ඉකුත් ජනවාරි පළමුවැනිදා බටහිර ජපානයේ හටගත් ප්‍රබල භූමිකම්පාවන්, නායයෑම් හා සුනාමි තත්ත්වය හේතුවෙන් මිය ගිය සංඛ්‍යාව ඊයේ (03දා) වන විට 64ක් දක්වා ඉහළ ගොස් තිබූ අතර භූමිකම්පා සිදු වූ කලාපයේ පසු කම්පනයන් හා ගිනි ගැනීම් වාර්තා වෙමින් පවතින බව විදෙස් මාධ්‍ය පවසයි.

අභ්‍යවකාශයේ පවතින කළු පැහැති සිදුරු අධ්‍යයනය කිරීම සඳහා අවශ්‍ය උපකරණ රැගත් රොකට්ටුවක් ඊයේ (01දා) සාර්ථක ලෙස අභ්‍යවකාශගත කළ බව ඉන්දීය අභ්‍යවකාශ පර්යේෂණ මධ්‍යස්ථානය පවසයි.