යාවත්කාලීන නොකළ සියලු රියදුරු බලපත්ර අවලංගු කිරීමට තීරණය කළ බවට පළවන ප්රචාර මුළුමණින්ම අසත්යය බවත් එවැනි කිසිදු තීරණයක් ගෙන නොමැති බවත් ප්රවාහන හා මහාමාර්ග අමාත්යාංශයේ ලේකම් ඉංජිනේරු රංජිත් රූබසිංහ මහතා අවධාරණය කර සිටියි.
අප්රිකානු මහාද්වීපයේ දරුණු ලෙස ව්යාප්ත වූ වඳුරු උණ වසංගතය ආසියාවටත් පැතිරීමේ අවදානම ඉස්මතු කරමින් තායිලන්තයෙන් ආසාදිතයකු හඳුනා ගෙන ඇතැයි විදෙස් මාධ්ය වාර්තා කළේය.
ඉතාලියේ සිසිලි දූපත ආසන්නයේදී ටොනේඩෝ කුණාටුවකට හසුවී මුහුදුබත් වූ ‘බයේසියන්’ සුඛෝපභෝගී සංචාරක යාත්රාවෙන් අතුරුදන් වූ පුද්ගලයන් 6 දෙනාගෙන් අවසන් මළ සිරුරත් ඊයේ සොයා ගත් බව ඉතාලි වෙරළාරක්ෂක බළකාය ප්රකාශ කර තිබේ.
ගුවන්තොටුපොළෙන් මෙරටට ඇතුළු විය හැකි Mපොක්ස් (මන්කිපොක්ස්) රෝගීන් හඳුනා ගැනීම සඳහා මුළු රටම ආවරණය වන පරිදි ආවේක්ෂණ පද්ධතිය වඩාත් ශක්තිමත් කර තිබෙන බව සෞඛ්ය අමාත්යාංශයේ ලේකම් විශේෂඥ වෛද්ය පාලිත මහීපාල මහතා පැවසීය.
ජනාධිපතිවරණය නිරීක්ෂණය සඳහා යුරෝපා සංගමයේ මැතිවරණ නිරීක්ෂකයින් මේ වනවිටත් දිවයිනට පැමිණ තිබේ. මීට අමතරව ජනාධිපතිවරණ නිරීක්ෂණ කටයුතු සඳහා පොදු රාජ්ය මණ්ඩලීය මැතිවරණ නිරීක්ෂකයින් හා ආසියානු මැතිවරණ නිරීක්ෂණ ජාලයේ නියෝජිතයන්ද දිවයිනට පැමිණීමට නියමිතය.
ශ්රී ලන්කන් ගුවන් සේවය ස්ථාපිත කර එළඹෙන සැප්තැම්බර් මස 01 වැනිදාට වසර 45 ක් සපිරීම නිමිත්තෙන් කුඩා සාමනේර භික්ෂූන් වහන්සේලා 60 නමක් කටුනායක ගුවන් තොටුපොළ වෙත වැඩම කරවා එහි වැදගත් ස්ථාන දැක බලා ගැනීමට මෙන්ම ශ්රී ලන්කන් ගුවන් යානයක් වෙත රැගෙන ගොස් එහි අත්දැකීම් විඳ ගැනීමට ද ඊයේ දින ( 22 දා) අවස්ථාව ලැබූහ.
වියට්නාමයේ යෙන් බායි ප්රාන්තයෙන් අතුරුදන්වූ 6 හැවිරිදි දරුවකු දින පහකට පසු වනාන්තරයකින් සොයා ගත් බව විදෙස් මාධ්ය වාර්තා කළේය. වනාන්තර ආශ්රිත ගැමි පවුලකට අයත් ඩැං ටියාන් ලැම් නමැති එම පිරිමි දරුවා පසුගිය 17 වැනිදා අතුරුදන් වී ඇත්තේ තවත් දරුවන් පිරිසක් සමඟ වනාන්තරය අසල පිහිටි දිය පහරක් අසල ක්රීඩා කරමින් සිටියදී බව විදෙස් මාධ්ය වැඩිදුරටත් වාර්තා කළේය.
ජනාධිපතිවරණය නිරික්ෂණය සඳහා රටවල් 12 ක නියෝජිතයින්ට ආරාධනා කළ බව මැතිවරණ කොමිෂන් සභාවේ සභාපති ආර්.එම්.ඒ.එල් රත්නායක මහතා පවසයි.